_edited_edited.png)
American Samoa Government - PR001-03312026
Posted: March 31, 2026
Ua tatalaina aloa’ia e le Matāgaluega o Paka ma Malae Ta’alo se paka ta’alo fou i Tafuna Industrial Park
TAFUNA, Amerika Samoa - Sa fa’atautaia e le Matāgaluega o Paka ma malae ta’alo se fa’amoemoe o le o’otiina o le ripine, auā le tatala aloa’ia o le paka o le Industrial i Tafuna i le taeao analeila. Sa ta’ita’iina lea fa’amoemoe e le Sui Faatonu ia Taimalelagi Dave Godinet, ma fa’afeiloa’ia mālō fa’aaloalogia, ma ia fa’asoa aloa’ia i le tāua o le porōketi lenei mo le lautele ma lona si’omaga.
O le Sui Faatonu o le ofisa o le tautua i paka fa’asao ia Pua Tuāua na saunoa fa’apitoa, ma ia fa’aleo le agaga fa’afetai mo le faigāpa’aga fa’aauau ma le Matāgaluega o Paka ma Malae ta’alo. Sa ia fa’amālō i le galuega na fītāituga ai le Matāgaluega ma le ‘aufaigaluega ma le soifua ofo atoa, ma ia tā’ua ai o latou sao ua avea ma meafaigaluega ua taunu’u ai lenei porōketi.
Sa tā’ua fo’i e le Sui Fa’atonu ia Tuāua le lagolago a le Kovana ma le Kovana Lutena i le fa’aleleia o fuafuaga fa’atatau i nu’u. Sa auai fa’atasi fo’i le Kovana Lutena i le agaga fa’afetai ma le fa’amalo, ona o le tele o vae ma lima na tua i ai lenei porōketi, lea ia taunu’u ai le manuia. Sa ia saunoa fa’amamafa e fa’apea, o le galulue fa’atasi o se malosi fa’aola e mafai ai e porōketi fa’apenei ona taunu’u lelei, aemaise le toe avatu mo le lelei o le atunu’u lautele.
Na saunoa le afioga le Faatonu ia Andrew Pelesasa e fai ma sui o le Matāgaluega, ma ia fa’afetaia lona aufaigaluega mo le soifua tutumau ma le ofo atoa atu a o feagai ma le ati’ina a’e o le paka ta’alo. Sa ia fa’ailoa aloa’ia fo’i le ‘au konekarate, Vailu’u & Sons, mo latou galuega maoa’e ma le tulaga lelei o latou ta’utinoga i le galuega.
Sa fa’ailoa fo’i e le afioga le Faatonu ia Pelesasa le ali’i Kovana ia Pulaali’i, o lē na malele fa’ai’u. Sa fa’aalia le agaga fa’afetai o le ali’i Kovana i le afioga le Fa’atonu ia Pelesasa ma le vaega o le Paka ma Malae Ta’alo ona galuega mata’ina. Sa ia fa’amalo i le Matāgaluega ma ona pa’aga latou galuega fa’aauau i le fa’aleleia o nei nofoaga lautele, ma le fatuina o avanoa fa'afiafia mo ‘āiga i itū uma o le Teritori.
Sa fa’ai’uina le faamoemoe i le o’otiina aloa’ia o le ripine, soso’o ai lea ma le savalia o le paka ta’alo fou, ua fa’ailogaina ai le amataga o le tautua i le atunu’u.
###
Department of Parks & Recreations Opens New Playground at the Tafuna Industrial Park
TAFUNA, American Samoa - The Department of Parks and Recreation hosted a ribbon cutting ceremony at the Tafuna Industrial Park to officially open the newly completed playground this morning. The event was led by Deputy Director Taimalelagi Dave Godinet, who welcomed guests and acknowledged the significance of the project for the surrounding community.
Special remarks were delivered by the Deputy of the National Park Service, Pua Tuaua, who expressed his gratitude for the continued partnership with the Department of Parks and Recreation. He commended the department’s dedicated staff for their hard work and commitment, noting that their efforts have been instrumental in bringing this project to life. Deputy Tuaua also recognized the support of the Governor and Lieutenant Governor in advancing community-centered initiatives.
Lieutenant Governor Pulumataala followed with words of appreciation, extending heartfelt thanks to the many hands and feet behind the success of the project. He emphasized that teamwork remains the driving force that allows projects such as this to fall into place, ultimately contributing to the betterment of the community.
Director Andrew Pelesasa then spoke on behalf of the department, acknowledging his staff for their perseverance and dedication throughout the development of the playground. He also recognized the contractors, Vailu’u & Sons, for their exceptional workmanship and commitment to quality.
Director Pelesasa proceeded to introduce Governor Pulaali’i, who offered closing remarks. The Governor expressed his appreciation to Director Pelesasa and the entire Parks and Recreation team for their outstanding efforts. He commended the department and its partners for their continued work in enhancing public spaces and creating meaningful recreational opportunities for families across the territory.
The ceremony concluded with the official ribbon cutting, followed by a guided walkthrough of the new playground, marking the beginning of its service to the community.
###