_edited_edited.png)
American Samoa Government - PR001-12102025
Posted: December 10, 2025
Fa’ataunu’uina le Porokalama Masania’i a le Mālō mo Tagata Matutua
OTTOVILLE, Amerika Samoa - Ua tepa i ula, ua tago fo’i i ula, ae sa’a i ma’a o mālie le mamalu o tamā ma tinā matutua, ina ua fa’ataunu’uina le Porokalama a le Faigamālō mo i latou ua tusi matuaina o le atunu’u. Sa faia lenei sauniga i le Maota o le Ekalesia Metotisi (Susana Uesele) Amerika Samoa, aso Lua Tesema 09, 2025. O le Afioga ia Salanoa, o le sui o le Ofisa o le Kovana sa fa’afeiloa’ia le mamalu o le atunu’u ma tuvaoina le pa’ia o le aso. O le aufaipese si’ufofoga matagofie mai le Matagaluega o Tautua ma Ālamanuia mo Tagata Lautele na fofogaina vi’iga o le Atua. O vala’aulia a le Faigamālō sa afifio atu le Afioga le Peresitene o le Senate ma le Faletua, fa’apea le Afioga le Fofofga Fetalai o le Maota o Sui ma lona Faletua, fa’apea le mamalu o le Aiga Kapeneta ma uo ma aiga na molimauina lenei fa’amoemoe matagofie.
O le Susuga i le Fesoasoani Muamua, le Peresitene o le Pago Stake (LDS) na ta’ita’ia le sauniga. O le feau a Isaia le Perofeta a le Atua, “E o’o ina e toea’ina o a’u lava ia, e o’o ina e ulusina o’u te tauave ia te oe, auā na ou faia oe, ou te si’itia oe ma ou lave’ai ia te oe” o le apoapoa’iga fa’aleagaga lea a le Susuga ia Penaia Fa’ali’i mo nai ō tatou Tagata matutua e sufi ai lo latou soifua ta’uaogaina.
O le Afioga le Kovana Pulaali’i Nikolao Pula, na fai ma saunoaga ‘autu o le aso. Na ia fa’ailoa lona agaga nutimomoia ma le gatete ina ua va’ava’ai atu le mamalu o tamā ma tinā matutua. “O outou o sili’aga o aiga, nu’u ma le atunu’u, auā sa outou tapenaina mea lelei lea ua o matou ‘oa’oa ai i faleseu.”
Sa momoli lona agaga fa’afetai mo le soifua tautua matavela o nai Tagata Matutua i le atunu’u ma le Mālō o Amerika Samoa. Na fa’afetaia fo’i e le Kovana le mamalu o le Fono Faitulafono, le Fa’amasinoga fa’apea lona agaga fa’afetai mo le Ekalesia Metotisi i le fa’aavanoaina o le Maota e fa’ataunu’u ai fuafuaga a le Mālō, ae taualuga i ana fa’amanuiaga mo Tagata Matutua ma alofa’aga mo i latou ua le aulia mai lenei aso tāua. O le Afioga le Kovana Lutena ia Pulumataala Ae Ae Jr., na saunoa fa’ai’u i lea aso. Na laufono fa’apipi’i lona finagalo i le agaga lava o le fa’afetai, ma lana tu’ualalo mo Tagata Matutua, ma na ia fa’apea ai, “Ia outou maua le ola fiafia, ma le loto mālie, aua nei fa’apopoleina outou i fa’alavelave fai o aiga ma nu’u ae mātau i le Atua.”
Na soso’o ai ma le fa’alauiloaina o nisi o Tamā ma Tinā ua ausia le 90 agai atu le 101 tausaga o le soifua,
Pouiva Tau’oa Reid - 101 tausaga
Solialofi Tuaumu Vaili - 94 tausaga
Pisavale Ti’alavea Tauai - 92 tausaga
Pagofie Aloe - 90 tausaga
Teuaililo Bird - 90 tausaga
Afioga le Senatoa, Si’i Noaese Taeatafa -90 tausaga
Shang Shung – 90 tausaga.
Na fa’aiu le aso i le taumafataga ma le tufatufaina o meaalofa na saunia lelei, ma sa va’aia laufofoga fiafia o nai o tatou Tagata Matutua, e ala i lo latou talisapaia ma le agaga fa’afetai faiga meaalofa a le Mālō. O le Susuga lava le Fesoasoani Muamua o le Peresitene o le Stake (LDS) ia Penaia Fa’ali’i na fa’ai’uina le tatalo ma na tapunia ai le fa’amoemoe. Ua ta’ape le aofia ma le mama ua lomi ma le va’a ua goto i se taumafaiga fa’atauva’a a lo tatou Faigamālō ma ia tumau ai pea le vi’iga i le Atua.
###
The American Samoa Government Hosts Christmas Celebration
Honoring Our Senior Citizens
OTTOVILLE, American Samoa - In a spirit of reverence and joy, Honorable Governor Pulaali’i and Lieutenant Governor Pulumataala and the American Samoa Government hosted the annual TAOA Christmas Celebration, a gathering dedicated to honoring the wisdom, prayers, and enduring leadership of American Samoa’s senior citizens. Distinguished guests included President of the Senate Tuaolo Fruean and his wife, and Speaker of the House Savali Talavou Ale and his wife, who joined in honoring the elders.
The celebration began with an invocation and spiritual guidance from Penaia Faali’i, whose words carried the weight of faith and tradition, reminding all present that the elders are the living vessels of prayer and strength who we all seek as a community.
Governor Pulaali’i, in his opening remarks, commended the elders for their devotion, recognizing them as the very leaders whom the government and people alike seek for guidance. “Our elders are the pillars upon which our island stands,” he declared. “Their wisdom lights the path for future generations, and their prayers sustain the strength of our people.” His words were both a tribute and a blessing, weaving together respect and gratitude.
The program was graced with beautiful hymns performed by the Department of Human and Social Services. Cabinet members joined the Governor and Lieutenant Governor in serving Christmas gifts and festive meals, embodying the spirit of humility and service.
Closing remarks were delivered by Honorable Lieutenant Governor Pulumataala, whose hearty message lifted spirits and brought warmth to the gathering. He thanked the elders for their continued devotion to families, villages, and churches, reminding all that their presence is both a gift and a guiding light.
Special recognition was given to elders aged 90 to 101 years old, with a highlight on Mrs. Pouiva Reid, the oldest elder in American Samoa, celebrated for reaching a remarkable milestone.
Pouiva Tauoa Reid- 101 years old
Solialofi Vaili- 94 years old
Pisavale Tialavea Tauai- 92 years old
Pagofie Aloe- 90 years old Teuaililo Bird- 90 years old Honorable Senator Si’i Noaese- 90 years old
Shang Shung- 90 years old
As the event drew to a close, the Governor, Lieutenant Governor, and cabinet members presented each elder with a gift, a heartfelt gesture of gratitude that echoed the important value that honoring our elders is honoring the very foundation of our island.
This year’s celebration marks the first Christmas Celebration for our senior citizens hosted by Governor Pulaali’i, Lieutenant Governor Pulumataala and their administration. The occasion is truly a reminder of the government’s dedication to uplift and honor our elders. May this celebration serve as a commemoration of the great blessings our dear elderly are to our island of American Samoa, guiding us with their prayers, wisdom, and enduring love.
###
